Грчки државјанин починал за време на лов во Ново Село кај Ѓорче Петров

Шеесет и деветгодишен државјанин на Грција бил пронајден починат во скопското село Ново Село, во општина Ѓорче Петров, додека бил на лов со пријатели, соопшти Министерството за внатрешни работи.

— реклама —

Случајот бил пријавен во СВР Скопје на 11 октомври, во 17:40 часот. Лекар од Итната медицинска помош излегол на местото и констатирал смрт, без видливи траги на насилство.

— реклама —

— реклама —

По насоки на јавен обвинител, телото на починатиот Е.П. било предадено на обдукција за утврдување на причините за смртта.

Увид на местото извршила екипа на СВР Скопје, а пушката што ја носел починатиот била подигната за понатамошна постапка.