Грчката противпожарна служба соопшти дека денеска на Пелопонез биле уапсени две лица на возраст од 47 и 43 години, поради сомнеж дека подметнале пожари, како и дека едниот од уапсените го направил тоа три пати во период од една недела, пренесе „АП“.
Инаку во Грција за два дена избувнале 56 шумски пожари во кои интервенирале 693 пожарникари со 273 возила, 21 пешадиски тим и авиони и хеликоптери, а помагале 88 волонтери со 27 волонтерски возила, соопштуваат од Противпожарната служба на Грција, jави дописничката на МИА од Атина.
Пожарите на грчките острови Самос и Китира, денеска се ставени под контрола откако противпожарната служба на Грција цела ноќ се бореше со огнените јазици.
