Малолетник и негови другари биле нападнати од група малолетници во скопската населба Горно Лисиче, при што од едниот од нив била одземена чанта со паричник, мобилен телефон и други предмети.
Од МВР информираат дека на 15 септември 2026 година околу 22:20 часот, во СВР Скопје, Д.Б. (49) од Скопје пријавил дека неговиот малолетен син и негови другари биле нападнати од неколку други малолетници.
Според пријавеното, еден од напаѓачите, кого малолетниците го познавале, со употреба на остар предмет од синот на Д.Б. одзел чанта во која имало паричник, мобилен телефон и други предмети.
Од СВР Скопје преземаат мерки за целосно расчистување на случајот.
