На граничниот премин Сремска Рача, на излез од Србија, камионите чекаат до шест часа, соопшти Автомото-сојузот на Србија (АМСС).
На Бачка Паланка и Шид задржувањето за товарните возила е околу четири часа, додека на Келебија се чека три часа. На Бездан камионите чекаат околу два часа, а на Хоргош околу 90 минути.
Според информациите на Управата на граничната полиција од 17:15 часот, на патничките терминали нема подолги задржувања. Исклучок е Градина, каде што на влез во Србија се чека околу 20 минути.
АМСС соопшти и дека на наплатните станици на автопатиштата во Србија нема задржувања на возилата.
