Тренерот на Манчестер Сити, Пеп Гвардиола, со самодоверба го најави финалето на ФА Купот против Челси, кое денеска од 16 часот се игра на „Вембли“.
Шпанскиот стратег беше запрашан дали може да ја прекине серијата порази во последните две финалиња на ФА Купот, по што одговори во свој стил.
„19 трофеи за 10 години во Сити не се лоши. Не мора да чекаат да си заминам за да знаат дека им беше забавно со мене... Беше забавно! А сега се борам за 20. трофеј со Сити. Не е лошо“, изјави Гвардиола.
Манчестер Сити третпат по ред игра финале на ФА Купот, а претходните две ги загуби од Манчестер Јунајтед и Арсенал.
Гвардиола сезонава веќе го освои Лига купот, а неговиот тим и натаму е во трка за титулата во Премиер лигата. На две кола до крајот, Арсенал има два бода предност пред Сити.
Доколку ги освои Премиер лигата и ФА Купот, Манчестер Сити би можел да стигне и до двојна круна оваа сезона.
