Четири лица загинаа во хеликоптерска несреќа што се случила во близина на градот Сент-Брижид-д’Ибервил, југоисточно од Монтреал, соопшти покраинската полиција на Квебек.
Несреќата се случила во сабота околу 14:30 часот по локално време. Кога службите за итни случаи пристигнале на местото, хеликоптерот бил во пламен.
Полицијата потврдила дека сите четворица патници во хеликоптерот го загубиле животот.
Засега не се објавени информации за сопственикот на леталото, неговото потекло или целта на летот.
На местото на несреќата се испратени истражители од Одборот за безбедност на сообраќајот на Канада, кои работат на утврдување на причините и околностите под кои дошло до падот.
