Хрватски државјанин се здобил со тешки телесни повреди откако со автомобил излетал од локален пат во близина на селото Мешеишта, општина Дебарца.
Од МВР информираат дека на 8 септември 2026 година, во 12:00 часот, во СВР Охрид било пријавено дека на локален пат во Мешеишта патничко возило „линк ко“ со скопски регистарски ознаки, управувано од И.Б. (45) од Република Хрватска, излетало од патот.
Во сообраќајната незгода возачот се здобил со тешки телесни повреди, кои биле констатирани во Специјалната болница „Свети Еразмо“ во Охрид.
Увид на местото на несреќата извршила увидна екипа на СВР Охрид.
