И Бугарското обвинителство ќе ја истражува авионската несреќа кај Солунска Глава

Обвинителството во Софија отвори предистражна постапка за уривањето на авионот „цесна“ кај Солунска глава на 2 април кога загина четиричлено семејство од Бугарија.

— реклама —

Како што објави  бугарската агенција  Бгнес , сослушани ќе бидат претставници на надлежните за цивилниот воздушен сообраќај во Македонија, а ќе се побараат и информации од спроведените експертизи.

— реклама —

Инаку во авионската несреќа загина четиричлено семејство, државјани на Бугарија, кога авионот „пајпер 210“, управуван од мажот, од засега неутврдени причини, се урна на еден од планинските венци кај Солунска Глава, на надморска височина од 2.200 метри.  Загинаа  Георги Ангелов Бошнаков (1970), Гергана Бошнакова Георгиева (2005), Билјана Бошнакова Георгиева (2000) и Калина Корнајева Цонева (1972).

— реклама —

Според првичните информации, причина за падот на авионот биле лошите метеоролошки услови и силната турбуленција.

— реклама —