И во Скопје ќе се емитува концертот на светските ѕвезди за поддршка на Украина

Целиот свет е сведок на бруталната војна која руската федерација ја започна и сеуште ја води во Украина. Веќе еден месец украинскиот народ се бори за својата слобода, независност и суверенитет. Целиот свет не поддржува, вели Амбасадата на Украина во Македонија.

„Во овој контекст, на 27 март 2022 година во 17:30 часот по македонско време, ќе се одржи светски онлајн телемаратон за поддршка на Украина под слоганот #SAVEUKRAINE.

— реклама —

За време на концертот ќе настапат украински (Jamala, Okean Elzy, MONATIK, Ruslana, DakhaBrakha, Kalush, Go A) и светски ѕвезди, меѓу кои Sting, Ed Sheeran, Bryan Adams, U2, Madonna, Imany, Imagine Dragons, Rod Steward, Elton John и многу други.

— реклама —

Во многу земји на светот, телемаратонот ќе се емитува на националните телевизии, во центрите на градовите и слично.

Северна Македонија не е исклучок.

— реклама —

Во центарот на град Скопје, на видео бимот на плоштад „Македонија“ ќе се емитува телемаратонот за поддршка на Украина и украинскиот народ.

Ги покануваме сите кои што не поддржуваат во оваа праведна борба Украина за својата земја, да дојдат и да ја поддржат Украина со своето присуство.

Ве очекуваме, пријатели“, стои во објавата.