Идентификувани 16 лица по видеото кое вчера се појави на социјалните мрежи на кое се слушаше скандирање пароли со говор на омраза кон Албанците.
Според видеото снимено во Ѓорче Петров, додека поминува свадбена поворка со албански знамиња, група млади момчиња скандираа навредливи пароли по што неколку мажи од поворката се упатуваат кон нив.
Од МВР велат дека од овој настан досега се идентификувани 16 лица. Инволвираните се повикуваат на разговор, а најавуваат и кривични пријави.
Инаку оваа недела беа забележани два инциденти со групи кои скандираа пароли со говор на омраза кон Албанците.
