Идна невеста го проголтала свадбениот прстен поради бизарна причина

Идната невеста случајно го проголтала својот свршенички прстен за да го заштити додека сонувала ужасен кошмар.

— реклама —

Џена Еванс од Сан Диего сонувала дека некој ја брка и сакал да ѝ го земе венчалниот прстен, па за да го спаси, таа го проголтала. Но, не само во сон.

Кога се разбудила, сфатила што направила, па набрзина била примена во болницата, каде што лекарите морале да извршат ендоскопија за да го вратат прстенот, кој ѝ бил во стомакот.

— реклама —

„Го проголтав венчалниот прстен во сон. Најлошо од сè е што се сеќавам дека го направив тоа, но мислев дека сонувам, па продолжив да спијам. Во средата наутро само што видов дека прстенот не е на мојата рака и се разбудив до свршеникот и му кажав што се случило. Мислам дека не ми веруваше веднаш. Се смеевме еден и пол час, а потоа ‘гуглавме’ што се случува кога некој ќе проголта прстен и отидовме во болница“, раскажала идната невеста во објава на „Фејсбук“.

Иако зафатот бил рутински, сепак, постоел ризик, така што Џена морала да потпише согласност во случај на смрт.

— реклама —

За среќа, сè поминало во најдобар ред и прстенот ѝ е повторно на раката, а и свадбата е набргу.