Полската тенисерка Ига Швјонтек остро реагираше на критиките од директорот на турнирот во Дубаи, кој ѝ забележа што се повлекла непосредно пред почетокот на натпреварувањето.
Директорот на турнирот, Салах Талак, претходно ги критикуваше Швјонтек и Арина Сабаленка поради откажувањето на настапот во Обединетите Арапски Емирати и побара построги мерки за доцни повлекувања, вклучително и одземање поени.
„Ако не сме подготвени или не чувствуваме дека е вистинско време да играме, па не сме ние робови?“, изјави Швјонтек.
Таа рече дека не слушнала за можните казни, но оцени дека таквата идеја е „малку смешна“.
„Имаме право да се повлечеме кога сакаме. Искрено, не гледам проблем. Ако не сме подготвени или не чувствуваме дека е вистинско време да играме на турнир. Добиваме нула поени. Тоа веќе е казна“, порача полската тенисерка.
Швјонтек на стартот на Ролан Гарос ќе игра против Емерсон Џонс.
