Градоначалникот на Општина Бутел, Дарко Костовски, на Фејсбук за лицата што оделе на работа а земале плата.
„Гледам деновиве политичките циркузанти од Левица, сложно со СДС тргнале во предвреме изгубена битка. Тргнале со цел за повторно да ги вратат криминалците и бандитите да хараат и раководат со општина Бутел.
Немајки за што, се фатија да лажат, но лагите не само што не им поминуваат туку уште толку ги мотивираат граѓаните да се борат за принципи, правила и ред. Измислија лага дека едно лице земало плата и не одело на работа. И тоа лице примено во 2019 од страна на претходниот градоначалник.
Ова подолу е една од многуте медиумски објави од 19.11.2021 во која се наведува дека ми требаше само еден месец за детално да увидам колку вкупно луѓе земале плата а не оделе на работа. Па така со еден потег се прекина работниот однос на 60 (шеесет) лица од кој најголем дел веројатно не знаеле каде точно се наоѓа општинската зграда.
Неколку од овие лица на кој им го прекинав работниот однос, беа сопруги, пријатели и блиски до криминални структури. Истите тие криминалци кои раководеа со општината, истите тие за кои Левица и СДС даваат се од себе да ги вратат назад. Имав еден куп закани да не ја носам оваа одлука, ја донесов и веќе од следниот ден повторно Вардар течеше по неговиот тек, повторно светна нов убав ден.
На Данела, СДС и Левица им требаше година ипол да видат дека некој не одел на работа, а зимал плата во ЈП Комунална Хигиена !?
Човек да сака повторно да ја врати општината во рацете на кримосите или треба да е поткуплив и добро платен, или едноставно треба биде несвесен по однос на последици. Во овој случај веројатно се и двете.
Општина Бутел продолжува да работи со уште посилно темпо, да се менува, да се разубавува и во неа да владее ред, ред кој беше целосно изгубен.
Тука сум за граѓаните по секоја цена, по секоја!“, напиша тој на фејсбук.
