Имал забрана за возење и лажел дека ја изгубил возачката, па поднел барање за нова

ОВР Струга поднесе кривична пријава против Л.Р.(25) од струшката населба Тефериќ, поради постоење основи на сомнение за сторено кривично дело „давање лажен исказ“.

— реклама —

— реклама —

Според пријавата, осомничениот во Отсекот за управни работи во Струга лажно пријавил дека ја изгубил возачката дозвола, иако во тој период имал активна забрана за управување моторно возило.

— реклама —

— реклама —

Со лажната пријава поднел барање за издавање нова возачка дозвола, по што случајот бил откриен од надлежните служби. Против него е поднесена соодветна кривична пријава.