Имало 12 пожари на отворено, активен остана само пожарот кај Кочани

Центарот за управување со кризи (ЦУК) соопшти дека до 18:00 часот денес во државата се регистрирани вкупно 12 пожари на отворен простор, од кои еден е сè уште активен, додека 11 се изгаснати.

— реклама —

Според информациите на ЦУК, активен останува пожарот во Општина Кочани, кај селото Рајчани, во близина на црквата „Света Троица“, каде што гори ниска вегетација.

— реклама —

Во текот на денот изгаснати се пожарите во:

— реклама —

* Струмица, кај селото Добрејци (ниска вегетација и ѓубре);
* Кратово, кај селото Железница (депонија);
* Ново Село, кај селото Бајково (шумски пожар);
* Струга, кај селото Делогожда (ниска вегетација);
* Велес, кај гробиштата на црквата „Свети Спас“ (ниска вегетација);
* Тетово, кај селото Фалише (ниска вегетација);
* Желино, кај селото Требош (ѓубре);
* Врапчиште, кај селото Врапчиште (ниска вегетација и ѓубре);
* Куманово, кај селото Ново Село (ниска вегетација);
* Арачиново, кај селото Грушино (стрниште);
* Илинден, на Ајватовски Пат (ниска вегетација и стрниште).

— реклама —

Од ЦУК апелираат граѓаните да бидат внимателни при движење и престој на отворен простор и да не палат оган на места каде што постои опасност од негово ширење.