Поради нерасчистени имотно-правни односи, 27-годишник од гостиварско пријавил дека бил физички нападнат од своите стриковци, кои, според пријавеното, употребиле и остри предмети.
Од МВР информираат дека случајот бил пријавен на 13 август во Полициското одделение Чегране. Според пријавата, околу 15:20 часот во дворот од семејната куќа, Ј.А. и Ф.А. физички го нападнале 27-годишникот.
Пријавителот навел дека потоа двајцата влегле и во куќата, каде физички го нападнале и неговиот татко.
Полицијата презема мерки за расчистување на случајот и утврдување на сите околности.
