Соседски спор во Скопје прераснал во физички напад, при што со остар предмет биле повредени три лица.
Од МВР информираат дека на 23 септември околу 23:15 часот полициски службеници од СВР Скопје го лишиле од слобода 44-годишниот Ј.Ј. од Скопје.
Според пријавеното, по претходна расправија поради нерасчистени имотно-правни односи, Ј.Ј. во домот на неговиот 38-годишен сосед А.Ш. го нападнал со остар предмет. При нападот биле повредени А.Ш., неговата сопруга Ѓ.У. и нивната сосетка Д.Д., која се обидела да ги раздели.
Во врска со случајот бил приведен и А.Ш., со кого бил извршен службен разговор.
Од полицијата велат дека по целосното документирање на настанот ќе бидат поднесени соодветни поднесоци.
