Инцидент на кружен тек во Охрид: Возач со „БМВ“ удрил маж, друг го нападнал со метален предмет

Два одделни инциденти се случиле синоќа на кружниот тек на булеварот „Туристичка“ со улицата „Абас Емин“ во Охрид, при што биле приведени двајца мажи.

На 18 септември во 19:50 часот, полициски службеници го лишиле од слобода Д.Г. (41) од Охрид, кој управувал патничко возило „БМВ“ со охридски регистарски ознаки.

— реклама —

Според информациите од полицијата, тој удрил во Д.Ј. од село Лешани, Општина Дебрца.

— реклама —

По налог на јавен обвинител, возилото било одземено, а по целосно документирање на случајот против 41-годишникот ќе биде поднесена соодветна пријава.

Само десетина минути подоцна, во 20:00 часот, во СВР Охрид бил приведен и С.К. (28) од Охрид.

— реклама —

Тој бил пријавен дека на истиот кружен тек со метален предмет го нападнал Д.Ј. (38) од село Лешани, Општина Дебрца.

И во овој случај, по целосно документирање на настанот, против 28-годишникот ќе биде поднесена соодветна пријава.

Од полицијата засега не се соопштуваат дополнителни детали за околностите кои довеле до двата инцидента.