Триесет и четиригодишен жител на селото Воѓани, општина Кривогаштани, е лишен од слобода откако под дејство на алкохол предизвикал инцидент во спортска обложувалница и физички нападнал полициски службеник.
Од Министерството за внатрешни работи информираат дека настанот се случил на 5 април 2026 година во 17:30 часот, а лицето било приведено во Полициското одделение Кривогаштани.
Според информациите, тој го нарушувал јавниот ред и мир, по што дошло и до физички напад врз полициски службеник.
По целосно документирање на случајот, против него ќе биде поднесен соодветен поднесок.
