Две жени пријавиле дека биле физички нападнати по инцидент што се случил во дом во Пехчево, при што била оштетена и дел од покуќнината.
Од МВР информираат дека на 4 септември во 10:59 часот во ОВР Берово било пријавено од Итната медицинска помош во Пехчево дека кај нив за лекарска помош се јавила 37-годишна жена од Пехчево.
Според пријавеното, претходната вечер, околу 23:45 часот, во куќа сопственост на 68-годишна жена, 37-годишната жена се однесувала агресивно, оштетила дел од покуќнината и физички ја нападнала сопственичката. Потоа, нејзиниот сопруг физички ја нападнал 37-годишната жена.
Подоцна и 68-годишната жена пријавила дека во својот дом била физички нападната од 37-годишната жена од Пехчево.
Полицијата презема мерки за целосно расчистување и документирање на случајот.
