Инфлуенсер ја критикува Тејлор Свифт: Даночните обврзници го плаќаат обезбедувањето за свадбата

Левичарскиот инфлуенсер Хасан Пикер ја критикуваше пејачката Тејлор Свифт и нејзиниот партнер, НФЛ-ѕвездата Тревис Келси, тврдејќи дека трошоците за обезбедување на нивната свадбена прослава неправедно паѓаат на товар на даночните обврзници во Њујорк.

— реклама —

Според „The Hollywood Reporter“, повеќедневната свадбена прослава, чија вредност се проценува на околу 15 милиони долари, вклучува и трошоци за обезбедување што ги покрива градот.

— реклама —

„Мислам дека ова е драстична злоупотреба на јавните ресурси. Тоа изгледа многу лошо“, изјави Пикер во својата емисија на социјалните мрежи.

Тој оцени дека случајот е пример за општествените нееднаквости, наведувајќи дека, без разлика колку е некој популарен, милијардерите и понатаму имаат привилегии што обичните граѓани ги немаат.

— реклама —

Свадбената церемонија на Тејлор Свифт и Тревис Келси се одржа во „Медисон Сквер Гарден“ во Њујорк, во присуство на околу илјада гости. Поради настанот, њујоршката полиција затвори неколку улици и воведе засилени безбедносни мерки.

Прославата започнала со пробна вечера, а свеченостите продолжиле и следниот ден со свадбената церемонија и забава што траела до раните утрински часови.