Во време кога многу љубовни врски стануваат сè понеформални и дистанцирани, сè повеќе луѓе почнуваат да бараат партнери кои отворено покажуваат емоции, внимание и искрен интерес.
Новиот тренд, познат како „chalance“, е спротивност на ладната и незаинтересирана „nonchalance“ култура што долго доминираше во модерните состаноци и врски.
„Chalant“ партнерите не се плашат да покажат љубов, возбуда и посветеност. Наместо рамнодушност, тие вложуваат труд во односот, покажуваат внимание и јасно ги изразуваат своите чувства.
Психологот Брус Ј. Ли за „Psychology Today“ посочува дека претераната незаинтересираност може да остави впечаток дека личноста воопшто не се грижи за партнерот.
Во текстот се наведува дека многу луѓе се заситени од таканаречените „situationship“ односи – блиски и интимни врски без јасна посветеност и дефиниција.
Иако ваквите односи им одговараат на некои, многумина денес повторно бараат романтика, сигурност и искрена емоционална поврзаност.
Токму затоа, покажувањето интерес, внимание и грижа – нешто што порано се сметало за нормално во љубовта – денес повторно станува посакуван квалитет кај партнерите.
