Иран и Оман во понеделник го финализираат договорот за Ормускиот Теснец

Иранскиот претседател Масуд Пезешкијан најави дека договорот меѓу Иран и Оман за Ормускиот Теснец ќе биде финализиран в понеделник, 14 септември.

— реклама —

Во интервју за „Индија тудеј“, дадено на маргините на самитот на БРИКС во Њу Делхи, Пезешкијан оцени дека односите меѓу Иран и Индија се унапредуваат. Тој порача дека земјите членки на БРИКС треба да ја зајакнат независната соработка во трговијата, инвестициите и регионалната безбедност.

— реклама —

Иранскиот претседател повтори дека неговата земја не започнала војна, туку, како што рече, се бранела од американската и израелската агресија.

— реклама —

Пезешкијан ги отфрли и тврдењата на американски официјални лица дека Иран развива нуклеарно оружје. Според него, Техеран се придржува до Договорот за непреносување на нуклеарното оружје и е подготвен за дијалог во рамките на меѓународното право.

„Иран не бара војна, но нема да се предаде под притисок на санкциите“, порача Пезешкијан.