Ирански министер: Кувајт незаконски нападна ирански брод

Иран го обвини Кувајт за незаконски напад на ирански брод и апсење на четворица ирански државјани во Персискиот Залив.

— реклама —

Иранскиот министер за надворешни работи, Абас Аракчи, изјави дека Кувајт „незаконски нападнал ирански брод и уапсил четворица наши државјани“, пренесува Al Jazeera.

Според Аракчи, инцидентот се случил во близина на остров што го користат Соединетите Американски Држави за напади врз Иран и претставувал „обид за создавање раздор“.

— реклама —

Од друга страна, кувајтските власти соопштија дека уапсените лица се припадници на Револуционерната гарда на Иран кои се обиделе да се инфилтрираат на островот Бубијан.

— реклама —

Кувајт тврди дека четворицата биле приведени на рибарски брод наменет за „непријателски активности против Кувајт“ и дека признале оти добиле задача од Иранската револуционерна гарда.

Техеран ги отфрли обвинувањата, наведувајќи дека станува збор за припадници на крајбрежната стража кои, поради дефект на навигацискиот систем, навлегле во кувајтски води за време на рутинска патрола.

Инцидентот предизвика и дипломатска реакција, при што кувајтското Министерство за надворешни работи го повика иранскиот амбасадор и му врачи протестна нота поради, како што наведуваат, нарушување на суверенитетот на земјата.