Иранскиот министер за надворешни работи, Абас Аракчи, порача дека САД мора да ги исполнат обврските од договорот за примирје, вклучително и неговата примена во Либан.
Во телефонски разговор со иранскиот амбасадор во Либан, Мохамад Реза Шибани, Аракчи го осуди продолжувањето на израелските напади во регионот, нагласувајќи дека тие мора да бидат запрени во согласност со договорот за примирје.
Иранската страна истакнува дека почитувањето на примирјето е клучен услов за каков било понатамошен дипломатски процес со САД.
Претходно, и претседателот на иранскиот парламент, Мохамад Багер Галибаф, изјави дека преговори со Вашингтон не можат да започнат без примирје кое би го опфатило и Либан.
