Иранскиот шеф на дипломатијата го пофали германскиот претседател: „Многумина молчат, но тој ги осуди нападите“

Иранскиот министер за надворешни работи Абас Арагчи го пофали германскиот претседател Франк-Валтер Штајнмајер за неговата отворена осуда на американско-израелските напади врз Иран.

— реклама —

Арагчи на социјалната мрежа Икс истакна дека Штајнмајер ги опишал нападите како „агресија и кршење на меѓународното право“, додека, како што наведе, многу светски лидери молчат или остануваат неактивни, пренесе иранската државна телевизија „Прес ТВ“.

— реклама —

— реклама —

Германскиот претседател претходно изјави дека војната на САД и Израел против Иран претставува кршење на меѓународното право и изрази сомнеж во тврдењата за „непосредна закана“ што биле користени како оправдување за нападите.

— реклама —

Иранскиот министер посочи на, како што рече, двојните стандарди на Западот, додавајќи дека меѓународното право „во пракса е мртво“, но упати пофалба до Штајнмајер за осудата на, како што ги нарече, прекршувањата врз Иран.