Македонскиот архитект и професор во пензија, Георги Константиновски, се води како исчезнат. Неговото семејство пријавило во полиција дека Константиновски исчезнал ноќта меѓу петокот и саботата од домот во Бардовци, каде живеел 35 години.
Во меѓувреме во Брза помош е донесено тело најдено во Бардовци, но сѐ уште не е идентификувано.
Константиновски е автор на студентскиот дом Гоце Делчев, Домот на печат во Приштина за кој доби југословенска награда, на објектот во Пелинце и Сеизмолошкиот завод.
Тој беше приврзеник на натур бетон архитектурата.
