Француски воен авион со два пилота вчера исчезнна од радарот на границата со Швајцарија, и во тек е потрага по истиот.
Авионот исчезнал во тек на лет на ниска висина соопшти портпаролката на француските воздухопловни сили.
Исто така таа додаде дека планинската област каде последно е регистрирана локацијата на авионот е покриена со снег.
Авионот полетал околу 11 часот од базата на североистокот на Франција.
По авионот трага полиција, пожарникари, војници, како и локалните жители, но видливоста е многу мала поради густата магла и врнежите од снег.
