Исечени 43 стебла бука кај Подгорци, приведени две лица

Четириесет и три стебла бука биле нелегално исечени во месноста Подгоречки бачила, во атарот на струшкото село Подгорци, каде што полициски службеници и припадници на Шумската полиција затекнале две лица при товарење на дрвата во возила.

— реклама —

На 16 октомври 2026 година, во 17 часот, од слобода биле лишени Е.А. (46) и Р.А. (45), двајцата жители на Подгорци.

— реклама —

— реклама —

При преземање координирани мерки, полициските и шумските службеници ги затекнале како нелегално сечат 43 стебла буково огревно дрво, кои потоа ги товареле во патнички возила од марките „опел“, „застава“ и „сузуки“, со намера нелегално да ги транспортираат.

По насоки на јавен обвинител и по целосно документирање на настанот, против двајцата ќе биде поднесена кривична пријава според член 226 од Кривичниот законик, за кривичното дело „Пустошење шуми“.