Полицијата лишила од слобода 38-годишен маж од Македонски Брод, по пријава дека предизвикал пожар во селото Брезница.
Инцидентот се случил на 5 септември околу 10 часот, во близина на неговата куќа. Според пријавеното, при користење бензински тример за косење дошло до искрење, по што избувнал пожарот.
Огнот се проширил кон соседните имоти, но за среќа нема повредени лица. Пожарот бил изгаснат со ангажман на екипа од ЈП „Национални шуми“ и локалното население.
Полициски службеници од ОВР Македонски Брод го лишиле од слобода М.Т. (38), а по целосното документирање на случајот ќе следува соодветна пријава.
