Ги исполна ли Охрид препораките од Унеско, дадени на 43-тата седница на Комитетот за светско наследство на УНЕСКО одржана во јуни во Баку. На 27 јануари доаѓа реакативната мисија на Унеско во Охрид за да утврди дали и колку се спроведуваат нивните препораки.
На состанокот во Азербејџан, Охрид за влакно го избегна усвојувањето на Нацрт-резолуцијата со која Охрид ќе беше ставан на листата за загрозено наследство. На државата ѝ беше даден рок до 1 февруари 2020 година да постапи по сите претходни барања на Комитетот за светско наследство, како и со исполнување на препораките на Реактивната мониторинг-мисија од 2017 година.
Градоначалникот Георгиески е оптимист дека во јуни во Кина за кога е закажан состанокот на Комитетот за светско наследство, Охридскиот регион нема да се најде на листата на загрозени подрајча и најави дека на 17 јануари ќе се формира меѓудржавен комитет за Унеско заедно со Албанија.
Според првиот човек на Охрид најголем проблем за Охрид е справувањето со депонијата Буково а не отстранувањето на бесправно изградените објекти.
Инаку Охрид за првпат откако е впишан како заштитено подрачја од УНЕСКО во 1979 година може да се најде на листата на светско културно наследство во опасност.
Фото: Архива
