Изгаснат кракот од пожарот во Србија што се движеше кон македонската граница кај Табановце

Кракот од пожарот во Србија кој се движеше кон пограничниот регион со Македонија, над преминот Табановце, е изгаснат, информира заменик-директорот на ЈП „Национални шуми“, Кире Михаилов.

— реклама —

Тој посочи дека, според увидот на терен, е забележано намалено чадење, а преку комуникација со надлежните власти во Србија добиле потврда дека пожарот што се движел кон селото Стража и другите планински села во регионот на Општина Липково е ставен под контрола.

— реклама —

„Чад сè уште има и ќе го има затоа што пожарот е сè уште активен во внатрешноста, но граѓаните треба да бидат спокојни и да знаат дека ширењето кон Македонија е стопирано и состојбата е под контрола“, соопшти Михаилов.

— реклама —

Тој упати апел до граѓаните да бидат особено внимателни при употребата на оган и други запаливи средства.

Од ЈП „Национални шуми“ велат дека остануваат на терен и будно ја следат состојбата со пожарите низ Македонија, како и во пограничните региони.