Со 80 гласови „за“ и 6 „против“ е донесен Законот за јавно обвинителство, по повтореното гласање на пленарната седница во Собранието. Вкупно присутни во салата беа 116 присутни.
На почетокот од Седницата, се гласаше законот, но изгласаа само 74 пратеници, по што претседателот Џафери го поништи, бидејќи како што рече, не видел дека пратеничката Лилјана Поповска од ДОМ, побарала процедурално да говори. Се бунеа пратениците од ВМРО ДПМНЕ, но Џафери го поништи и и дозволи процедурално на Поповска да се обрати, веднаш по неа говореше и пратеникот Ферид Мухиќ.
Откако констатираше Џафери дека законот е донесен, пратениците од ВМРО-ДПМНЕ скокнаа од своите места и извикуваа: не важи, не е донесен“, а координаторот на пратеничката група извика,”криминалци”, срамота е ова што го правите.
фото: Архива
