Охриѓанец е кривично пријавен под сомнение дека без одобрение за градба изградил две индивидуални семејни куќи на катастарска парцела во Охрид.
СВР Охрид поднесе кривична пријава против 53-годишниот Г.В. поради постоење основи на сомнение за сторено кривично дело „бесправно градење“.
Според пријавата, тој неовластено ги изградил двата објекта без да поседува соодветно одобрение за градба. Неправилностите биле констатирани при извршен инспекциски надзор.
Против пријавениот ќе се постапува согласно законските процедури.
