Изгубил контрола и паднал на патот, мотоциклист тешко повреден кај Лакавица

Дваесет и деветгодишен мотоциклист е тешко повреден во сообраќајна несреќа што се случила на регионалниот пат Гостивар–село Падалиште, во близина на селото Лакавица.

— реклама —

Според информациите од Министерството за внатрешни работи, несреќата била пријавена на 18 август во 16 часот во ОВР Гостивар. М.В. од селото Страјане, гостиварско, управувал мотоцикл „Хонда“ кога, од засега непознати причини, изгубил контрола над возилото и паднал на коловозот.

— реклама —

— реклама —

Во несреќата тој се здобил со тешки телесни повреди, кои биле констатирани во Медицинскиот центар во Гостивар.

— реклама —

Увид на местото на несреќата извршила увидна екипа на ОВР Гостивар.