Тешка сообраќајна несреќа се случила вчера во Неготино, при што 45-годишен мопедист се здобил со тешки телесни повреди.
Според информациите од МВР, несреќата се случила околу 10:40 часот на крстосницата од улицата „Индустриска“ со крак од истата улица. Р.Т. од Неготино, кој управувал мопед со неготински регистарски ознаки, од засега непознати причини изгубил контрола над возилото и паднал.
Во несреќата тој се здобил со тешки телесни повреди, кои биле констатирани во Општата болница во Кавадарци.
Увид на местото извршила увидна екипа од ОВР Неготино, а се утврдуваат околностите под кои дошло до несреќата.
