Четириесет и едногодишна жена од Битола се здобила со тешки телесни повреди откако изгубила контрола над четирицикл и се превртела на регионалниот пат Битола – Пелистер.
Од Министерството за внатрешни работи информираат дека несреќата била пријавена на 26 јули околу 14:45 часот во СВР Битола.
Според пријавата, И.Ѓ. (41) од Битола, управувајќи четирицикл, изгубила контрола над возилото, по што се превртела.
Во несреќата таа се здобила со тешки телесни повреди, кои биле констатирани во болницата во Битола.
Увид на местото на настанот извршила увидна екипа на СВР Битола.
