Излетал од патот и удрил во бетонски столб, две лица тешко повредени

Две лица се здобиле со тешки телесни повреди во сообраќајна несреќа што се случила на улицата „Иван Трпески“ во Кичево, соопшти Министерството за внатрешни работи.

— реклама —

Според информациите од МВР, на 20 јули околу 18:00 часот, патничко возило „Сеат“ со кичевски регистарски ознаки, управувано од 26-годишната И.И. од Кичево, излетало од коловозот и удрило во бетонски столб.

— реклама —

— реклама —

Во несреќата со тешки телесни повреди се здобиле возачката и сопатникот А.И. (20) од Кичево. Повредите биле констатирани во Општата болница во Кичево.

— реклама —

Увид на местото на несреќата извршила увидна екипа на ОВР Кичево.