Како што најави министерот за здравство венко Филипче, Институтот за јавно здравје изработи мапа со детален приказ на општините во Скопје од каде што се лицата кај кои е дијагностициран коронавирусот.
Според оваа мапа, најмногу заболени лица има во општина Карпош - 27 лица, од Гази Баба 20, потоа следуваат Кисела Вода 20, од Центар 20. Има 11 лица кои се од друг град но живеат во Скопје, 11 се од Ѓорче Петров, 8 од Аеродром, 7 од Сопиште, 4 од Бутел, 3 од Чаир, двајца од Илинден и еден странец.
Во однос на дистрибуцијата по пол, регистрирани се 109 машки и 110 женски лица.
Хоспитализирани се 4 лица, а останатите се на домашно лекување.
Кај пет лица е регистрирано присуство на коморбидитети.
Вкупно 11 лица имале контакт со веќе потврден случај на COVID-19 во државата.
Тестирани се вкупно 369 материјали во лабораторијата за вирусологија и молекуларна дијагностика при ИЈЗ и во приватните лаборатории. Позитивни се 18 или 4,9% од тестираните.
Сите податоци за заболени од КОВИД -19 може да ги погленете на ИНСТИТУТОТ за ЈАВНО ЗДРАВЈЕ.
