Израел и Хамас постигнаа договор: Итни испораки за заложниците и палестинските цивили во Газа

Катар и Франција постигнаа договор со Израел и палестинската исламистичка група Хамас за итна испорака на лекови на околу 45 израелски заложници кои ги држеше Хамас во Газа во замена за испорака на хуманитарна и медицинска помош за најранливите палестински цивили.

— реклама —

Како што јави Ројтерс, денеска помошта од Катар ќе биде пренесена во Египет, од каде преку граничниот премин Рафах ќе биде доставена во Газа.

— реклама —

Портпаролот на катарското Министерство за надворешни работи, Мајед Ал Ансари, рече дека договорот значи дека лековите, заедно со друга хуманитарна помош, ќе бидат доставени до цивилите во Појасот Газа, во најранливите области, во замена за испораката на лекови потребни за Израелците заробени во Газа, но не беше наведено колкава и каква конкретна помош ќе биде доставена до цивилите.

— реклама —

Претходно шефот на кризниот центар на француското Министерство за надворешни работи Филип Лалио изјави дека овие преговори траат со недели и дека првичната идеја потекнува од семејствата на некои од израелските заложници.

Меѓународниот комитет на Црвениот крст ќе ја координира испораката на терен. Меѓу заложниците во Газа има и двајца француски државјани, но ниту еден од нив нема итна потреба од лекови, јавува Ројтерс.