Израелски напади во и околу Бејрут: најмалку 17 загинати и десетици повредени

Бројот на загинати во два израелски напади во и околу Бејрут денеска се искачи на најмалку 17 лица, соопшти либанската Национална новинска агенција, повикувајќи се на информации од Министерството за здравство.

— реклама —

Според Центарот за итни операции при Министерството за здравство, во напад на крајбрежјето на Бејрут загинале 12 лица, додека 28 се повредени.

— реклама —

— реклама —

Во втор напад, извршен врз градот Арамун, кој се наоѓа на ридовите околу десет километри јужно од главниот град, загинале пет лица, а седум се повредени.

Нападите се дел од пошироката ескалација на насилството меѓу Израел и вооружени групи во Либан, што последните денови доведе до сериозни разорувања и нов бран раселување на цивилното население.