Скопјанец пријавил во полиција дека на автомобил во сопственост на неговата сопруга биле извадени и олабавени шрафови на едно од тркалата.
Според МВР, П.Б. случајот го пријавил на 31 август, наведувајќи дека возилото „Алфа Ромео“ со скопски регистарски ознаки на 27 август било оставено во овластен сервис.
Тој бил известен од вработените во сервисот дека на предното тркало бил изваден еден шраф, додека останатите три биле олабавени.
П.Б. се сомнева дека настанот би можел да биде поврзан со заканите што, според неговото тврдење, ги добивал во изминатите две години.
Полицијата презема мерки за расчистување на случајот и утврдување на околностите.
