Полициски службеници од Полициската станица Гостивар лишиле од слобода 37-годишен гостиварец, осомничен дека нападнал 32-годишна жена со која бил во врска.
Според информациите од МВР, инцидентот се случил на 15 август 2026 година околу 23:20 часот. И.Д. (37) влегол во домот на жената, каде што најпрво вербално ја нападнал, а потоа ѝ го одзел и го искршил мобилниот телефон.
Набргу потоа, пред зградата, тој физички ја нападнал жената, при што таа се здобила со телесни повреди. Повредите биле констатирани во Ургентниот центар во Гостивар.
И.Д. бил задржан во полициска станица за понатамошна постапка. По целосното документирање на случајот, против него ќе следува соодветен поднесок.
