Ја нападнал мајка му и ѝ го скршил телефонот, уапсен велешанец

Триесет и осумгодишен жител на Велес е лишен од слобода по пријава дека физички ја нападнал својата мајка во семејниот дом.

— реклама —

Како што соопшти Министерството за внатрешни работи, на 23 јули околу 15:20 часот, полициски службеници од СВР Велес го привеле Т.Р. (38), постапувајќи по претходна пријава од неговата 62-годишна мајка. Според пријавата, тој физички ја нападнал, ѝ го скршил мобилниот телефон, а откако таа успеала да избега од домот, фрлал тврди предмети кон неа.

— реклама —

— реклама —

По преземените мерки и извршените проверки било утврдено дека Т.Р. бил под дејство на алкохол, при што му биле измерени 1,54 промили алкохол во крвта.

— реклама —

Тој бил задржан во полициска станица, за случајот бил известен јавен обвинител, а по целосното документирање на настанот против него ќе биде поднесена соодветна пријава.