Четириесетгодишен кавадарчанец е лишен од слобода по пријава дека физички ја нападнал својата сопруга и ѝ се заканувал со остар предмет, информира Министерството за внатрешни работи.
На 5 септември во 14 часот, полициски службеници од ОВР Кавадарци го привеле Ј. Ф. (40), постапувајќи по претходно пријавен случај на семејно насилство. Според пријавата, тој физички ја нападнал својата 33-годишна сопруга, со која биле во бракоразводна постапка, а потоа ѝ се заканувал со остар предмет.
Осомничениот бил задржан во полициска станица, а за случајот биле известени јавен обвинител и Центарот за социјални работи во Кавадарци.
Од МВР информираат дека по целосното документирање на настанот против него ќе биде поднесена соодветна пријава.
