Ја носел мајка си во инвалидска количка да проси, а потоа ѝ ги земал парите

Шеесетгодишен жител на Гостивар е лишен од слобода под сомнение дека во текот на 2025 и 2026 година ја принудувал својата 80-годишна мајка да проси, а потоа насилно ѝ ги одземал парите за свои потреби.

— реклама —

Против него Националната единица за сузбивање криумчарење мигранти и трговија со луѓе поднела кривична пријава за трговија со луѓе, согласно член 418-а, став 1 од Кривичниот законик. Постапката била спроведена под раководство на јавен обвинител од Основното јавно обвинителство за гонење организиран криминал и корупција.

— реклама —

— реклама —

Според пријавата, осомничениот ја искористувал ранливоста и зависната положба на својата мајка, која се движела со инвалидска количка и не можела самостојно да ги извршува секојдневните активности. Подолг период ја носел на одредена локација во Гостивар и ја принудувал да проси, додека постојано ја надгледувал и контролирал. Потоа, на насилен и дрзок начин, ѝ ги одземал собраните пари.

— реклама —

По судска наредба издадена од Основниот кривичен суд Скопје, полицијата извршила претрес во домот и други простории што ги користел осомничениот во Гостивар, при што биле пронајдени и привремено одземени мобилни телефони и пари за кои се сомнева дека потекнуваат од кривичното дело.