Четириесет и четиригодишен жител на Тетово е лишен од слобода по пријава за семејно насилство врз неговата сопруга.
Според МВР, полициски службеници од Полициската станица Тетово го лишиле од слобода И.Д. на 14 август околу 14:15 часот, постапувајќи по пријава од неговата 41-годишна сопруга.
По вербална расправија, тој физички ја нападнал и ѝ упатил вербални закани. Жената се здобила со телесни повреди, но според пријавеното, сопругот ѝ оневозможил да побара лекарска помош.
И.Д. бил задржан во полициска станица, а по целосното документирање на случајот против него ќе биде поднесен соодветен поднесок.
