Ја удирал со тупаници снаата и ја влечел за коса, уапсен 28-годишник од Тетово

Дваесет и осумгодишен жител на Тетово е лишен од слобода откако, според пријавата, физички ги нападнал својата снаа и својот брат по семејна расправија.

— реклама —

Од СВР Тетово информираат дека Ф.А. (28) бил приведен на 30 јуни во 20:10 часот на улицата „146“ во Тетово.

— реклама —

Претходно, во 19:25 часот, неговиот брат Ш.А. (35) пријавил дека околу 16:30 часот, во нивниот семеен дом, по вербална расправија меѓу нивната мајка и сопругата на пријавителот Н.А., Ф.А. физички ја нападнал снаата, удирајќи ја со тупаница и влечејќи ја за коса.

— реклама —

Според пријавата, кога братот се обидел да ги раздели, Ф.А. физички го нападнал и него.

— реклама —

По целосно документирање на случајот, против осомничениот ќе биде поднесена соодветна пријава.