Четириесет и двегодишен жител на Велес бил лишен од слобода откако неговата 68-годишна мајка пријавила дека физички ја нападнал во семејниот дом.
Како што соопшти Министерството за внатрешни работи, настанот бил пријавен на 22 јули околу 22:30 часот, а полициски службеници од СВР Велес веднаш постапиле по пријавата. Според пријавеното, Д.Ш. агресивно се однесувал и ја удрил мајка си со стаклен предмет.
Осомничениот бил приведен во полициска станица, за случајот бил известен јавен обвинител, а по целосно документирање на настанот против него ќе биде поднесен соодветен поднесок.
