Полициски службеници ја ослободиле 49-годишна жена која, според пријавата, била затворена во семејниот дом, физички нападната и изложена на закани од нејзиниот сопруг.
Од МВР информираат дека на 25 август во 19:30 часот, полициски службеници од Полициското одделение Ростуше го лишиле од слобода 61-годишниот М.Б. од село во Општина Маврово и Ростуше.
Полицијата постапила по претходно добиена пријава дека тој во семејната куќа ја затворил својата 49-годишна сопруга, физички ја нападнал и ѝ се заканувал.
Околу 19:30 часот полициските службеници ја ослободиле жената, додека М.Б. бил приведен и задржан во полициска станица.
Од МВР додаваат дека по целосното документирање на случајот против него ќе биде поднесена соодветна пријава.
